Monday, December 10, 2007

നിഷ്കാസിതന്റെ സുവിശേഷം


ഗര്‍ഭപാത്രം മുതല്‍

കശക്കിയുടയ്ക്കപ്പെടുന്ന ,

കുടിയിറക്കപ്പെടുന്ന ,

കുറ്റവാളികളാക്കപ്പെടുന്നവര്‍ക്കായി ........


കനിവിന്റെ ഏദന്‍തോട്ടത്തില്‍ നിന്നാട്ടിപ്പായിക്കപ്പെട്ട്‌ ,

കൈയൂക്കുള്ളവന്റെ സുഭിക്ഷതയ്ക്കു ചാരെ

ചേരിനിവാസികളാക്കപ്പെടുന്നവര്‍ക്കു വേണ്ടി.........


രതിച്ചന്തയില്‍ ചരക്കുകളായും

ആയുധപ്പന്തയത്തില്‍ ബലിയാടുകളായും

അവയവ വ്യാപാരത്തെരുവിലെ ഇരകളായും

മാറ്റപ്പെടുന്നവരെ ഓര്‍ത്ത്‌........


കുടുംബത്തിലെ ശാപമായി ,

മതത്തിലെ പാപികളായി ,

സമുദായത്തിലെ തലതിരിഞ്ഞവരായി,

സമൂഹത്തിലെ ഭ്രഷ്ടരായി ,

മുദ്രചാര്‍ത്തപ്പെടുന്ന

സര്‍വ മനുഷ്യര്‍ക്കുമായി


ഈ കുരുന്ന്‌ കണ്ണീര്‍ത്തുള്ളി...


ആതിരേ ,

ഇന്ന്‌ ഡിസംബര്‍ പത്ത്‌-

വിശ്വ മനുഷ്യവകാശ ദിനം...!


ആസൂത്രിതമായ മറ്റൊരു

ആഗോളച്ചതി,

മുതലെടുപ്പ്‌,

തമസ്ക്കരണം...!!

ഒന്ന്‌ കാര്‍ക്കിച്ചുതുപ്പാന്‍ പോലും

നമുക്ക്‌ കഴിയാതെ പോകുന്നതെന്തു കൊണ്ട്‌...?????????

4 comments:

Cartoonist Gireesh vengara said...

നന്നായിട്ടുണ്ടൂ.......

കാവലാന്‍ said...

നന്നായിരിക്കുന്നു കേട്ടോ നല്ലതിനിയും പ്രതീക്ഷിക്കുന്നു.

!!!!***ഇതാ അവതരിപ്പിക്കുന്നു****!!!!

!!!!!!******പ്രത്യേക സമ്മാനപദ്ധതി ******!!!!!!

!!!!!!******മന്ത്രിയെ 'മുട്ട,പാല'ഭിഷേകങ്ങള്‍നടത്തൂസമ്മാനങ്ങള്‍ നേടൂ.******!!!!!!

സാദാ മുട്ട ഒന്ന് മണ്‍ടയിലുടച്ചാല്‍ ഒരുചാക്കരി.
കെട്ട മുട്ട ഒന്ന് മണ്‍ടയിലുടച്ചാല്‍ പത്തുചാക്കരി.
സാദാ പാല്‍ ഒരുപാക്കറ്റ് തലയിലൊഴിച്ചാല്‍ രണ്ടുചാക്കരി.
കെട്ട പാല്‍ ഒരുപാക്കറ്റ് തലയിലൊഴിച്ചാല്‍ ഇരുപതുചാക്കരി.
ഓഫര്‍ ഒരു പരിമിതിയുമില്ല***!!!
ഇതിനൊക്കെ പുറമെ മെഗാ സമ്മാനമായി ഗോത്മ്പുണ്ട സ്ഥിരമായി ലഭിക്കുന്നതാണ്.

ഫസല്‍ ബിനാലി.. said...

first class
congrats

ഒരു “ദേശാഭിമാനി” said...

ഫോട്ടോ അസ്സല്‍, എന്റേയും കണ്ണു നിറഞ്ഞു!