ആതിരേ
`കേരളത്തിന്റെ കോമണ്‍വെല്‍ത്ത്‌' ആയ
ദേശീയ ഗെയിംസിന്റെ കര്‍ട്ടണ്‍ റെയ്‌സര്‍- കൂട്ട ഓട്ടം- ഇന്നലെയായിരുന്നു( ജനുവരി 20,2015)
10.60 കോടി മൂല്യമുള്ള കൂട്ടയോട്ടം.
ഓട്ടം നാട്ടുകാര്‍ക്ക്‌
ലാഭം മനോരമയ്‌ക്ക്‌..
*
അത്‌ലറ്റുകളേയും കായികരംഗത്തേയും ഫൂളാക്കി
ഷീലാ ദീക്ഷിതും സുരേഷ്‌ കല്‍മാഡിയും
വിശ്വത്തോളം കുത്സിതമാക്കിയ അഴിമതിയുടെ
കേരളാ മോഡലൊരുക്കുകയാണ്‌
ഉമ്മന്‍ ദീക്ഷിതും തിരുവഞ്ചൂര്‍ കല്‍മാഡിയും..!
*
പുറത്ത്‌ വന്നത്‌ കോടികളുടെ അഴിമതിയും
കേട്ടലറയ്‌ക്കുന്ന കെടുകാര്യസ്ഥതയും.
അത്‌ തമസ്‌ക്കരിക്കാന്‍
10.60 കോടി കൊടുത്ത്‌ മനോരമയെ പാട്ടിലാക്കി.
*
വീരേന്ദ്രകുമാറിന്റെ പ്രതികാര ദാഹത്തില്‍ നിന്നാണത്രേ
ദേശീയ ഗെയിംസിന്റെ നടത്തിപ്പിലെ തട്ടിപ്പ്‌ പുറത്തുവന്നത്‌.
പാലക്കാട്‌ തോല്‍പ്പിച്ചപോലെ രാജ്യസഭാസീറ്റിന്റെ കാര്യത്തിലും
വലിപ്പിക്കുമെന്ന്‌ ബോദ്ധ്യമായപ്പോള്‍ മാതൃഭൂമിയും ചാനലും
അഴിമതി വാര്‍ത്തകള്‍ ഒന്നൊന്നായി പുറത്തു വിട്ടു.
*
ചാനല്‍ റേറ്റിംഗ്‌ കൂട്ടാന്‍ ഏഷ്യാനെറ്റും
ഇന്ത്യാ വിഷനും പീപ്പിള്‍സ്‌ ചാനലും അതേറ്റുപിടിച്ചു.
അപ്പോള്‍ ചാണ്ടിയുടെ സൃഗാല ബുദ്ധിയുണര്‍ന്നു.
10 കോടി വീതം പരസ്യ ഇനത്തില്‍ നല്‍കാമെന്ന്‌
തിരുവഞ്ചൂരിന്റെ ഉറപ്പ്‌ പിന്നാലെ വന്നു.
*
അതോടെ ചാനലുകളുടെ
അഴിമതിവിരുദ്ധ പോരാട്ടത്തിന്‌ `ധ്വജഭംഗം'
കൂട്ട ഓട്ടത്തെ പ്രകീര്‍ത്തിക്കുന്നതോടെ
ചാനലുകള്‍ ഇനി ദേശീയ ഗെയിംസിലെ അഴിമതികള്‍ റിപ്പോര്‍ട്ട്‌ ചെയ്യില്ല..!
*
അവര്‍ക്കെല്ലാം ശുഭം
നമ്മളെല്ലാം ശുംഭന്മാര്‍
*
പാമൊലിനില്‍ കുളിച്ച്‌
ടൈറ്റാനിയത്തില്‍ പൊതിഞ്ഞ്‌
സോളാറില്‍ ത്രസിച്ച്‌
ബാറില്‍ തിമിര്‍ത്ത്‌
ദേശീയ ഗെയിംസിന്റെ
അഴിമതി ട്രാക്കിലൂടെ
അതിവേഗം ബഹുദൂരം
ചാണ്ടി പോണ പോക്ക്‌ കണ്ടാാ,ആതിരേ....
No comments:
Post a Comment