ബാഗ്‌ദാദില്‍ വെടിയൊച്ച മുഴങ്ങുമ്പോള്‍

ആതിരേ, തെറ്റു തിരുത്തലുകള്‍ക്കും പശ്ചാത്താപങ്ങള്‍ക്കുമായുള്ള മറ്റൊരു റംസാന്‍ വ്രതാനുഷ്‌ഠാനകാലം സമാരംഭിച്ചിരിക്കുന്നു. പക്ഷേ... വിശുദ്ധ ദിനത്തില്‍ പോലും ബാഗ്‌ദാദില്‍ വെടിയൊച്ച മുഴങ്ങുമ്പോള്‍, ഇസ്ലാം ഇസ്ലാമിനെതിരെ ആയുധമെടുക്കുമ്പോള്‍, അനാഥന്റേയും ചൂഷിതന്റേയും നിലവിളി ഉയരുമ്പോള്‍, പലായനം ചെയ്യുന്നവരെ നോക്കി പരമകാരുണീകന്‍ പോലും നിസ്സഹയനാകുമ്പോള്‍ ആതിരേ, `` മതം ഗുണകാംക്ഷയാകുന്നു;മതത്തില്‍ നിങ്ങള്‍ പാരുഷ്യം കലര്‍ത്തരുത്‌'' എന്ന നബി ഉദ്‌ബോധനമാകും ഈ നോമ്പ്‌കാലത്ത്‌ കശാപ്പ്‌ ചെയ്യപ്പെടുന്നത്‌